UDALEKUEN DESKRIBAPENA:

Kirola, ingurumena eta aisia uztartzen dituen udalekuak.
Kirol udaleku hauetan, jolasen bitartez triatloia ezagutzeko jarduerak egingo dira goizero: igeriketa, bizikleta, oinezko lasterketa eta trantsizioak. Jolas bakoitza adin tarte bakoitzera zein norbanakoaren forma fisikora egokituko da. Helburua parte-hartzaileek triatloia zer den ezagutu eta ongi pasatzea da.
Arratsaldetan aldiz, aisialdirako unea izango da. Ur jolasak, Zarauzko hondartzara txangoa, multi-kirolak, euskara tailerra edo pista jolasa egitea daude aurreikusita, besteak beste. Helburu nagusia, lagunartea sortu eta aste ahaztezina bizitzea da.

EKARRI BEHARREKO MATERIALA:

• Aste guztirako arropa: 10 kamiseta inguru, galtza motz edo kuloteak goizetako entrenamenduetarako eta arratsaldeetarako galtzak (luzeak edo motzak), tritrajea (baldin badauka), galtzerdiak, jertsea, zira.
• Nezeserra eta 2 toalla.
• Korrika egiteko zapatilak eta beste oinetako pare bat.
• Bizikleta eta kaskoa. (Bizikleta egoera onean ekartzea garrantzitsua da. Puzgailua eta ordezko piezak ekartzea beharrezkoa da. Bizikletaz ez gara errepidera asko irtengo, beraz, mendian edo baserri bideetan ibiltzeko bizikleta ekartzea komeni da. Giltzarrapoa edo kandadoa ekartzea garrantzitsua da.
• Bainujantzia, igeriketako betaurrekoak, txanoa eta txankletak.
• Eguzkitako krema.
• Kantinplora edo ur potoa.
• Lo-zakua EZ da ekarri behar.
• Motxila txiki bat.
• Linterna

Izen-ematea baliogabetzeko eta itzulketak egiteko erregimena:

a) Izen ematea baliogabetzen bada udalekuak hasi baino bi hilabete edo gehiagoko aurrerapenarekin, ez da ezer kobratuko eta izen-ematea gauzatzerakoan ordaindutako guztia itzuliko da.

b) Izen ematea baliogabetzen bada udalekuak hasi baino bi hilabete eta 15 egun arteko aurrerapenarekin, prezioa erreserbari dagokion erdia izango da eta beste erdia itzuli egingo da. Baliogabetzea lesio edo pisuzko arrazoi bategatik bada (antolatzaileek horrela onartu behar dute), ordaindutako guztia itzuliko da.

c) Izen ematea baliogabetzen bada udalekuak hasi baino 15 egun edo gutxiagoko aurrerapenarekin, prezioa izen ematearen % 100 izango da eta ez da ezer itzuliko.

HARREMANETARAKO:

info@triatloiamaitedut.eus
943 833 641

Aurtengo argazkiak