Entrenamenduak

ENTRENAMENDU ZERBITZUA

Fitgüneko Hektor Llanos eta Araziko kideak arduratuko dira astero entrenamendu taulak sortu eta zuek ulertzeko moduan plazaratzeaz. Hektor goi-mailako triatleta izandakoa da eta geroztik triatloiko entrenatzaile gisa dabil. Ziur zu bezalakoak topatu dituela bere ibilbide luze honetan. Araziko kideak, aldiz, komunikazio lanetan bai baina triatloia esatean ez dakigu oraindik zer datorkien burura. Zuek bezala triatloi munduan murgilduko dira, eta asteroko entrenamenduak modu ulerterrazean azalduko dizkizuete.

ERRONKA ENBAXADOREAK PRESTAKETA ENTRENAMENDUAK ARIKETA OSAGARRIAK NOR GARA PARTAIDEAK

ENTRENAMENDUEN PLANGINTZA

Entrenamendu plangintza ezberdin bat sortuko dugu, triatloi distantzia bakoitzeko:

Super Sprint: 350m igerian – 10 km bizikletan – 2.5 km korrika. 3 entrenamentu astean.
Sprint: 750 m igerian – 20 Km bizikletan – 5 km korrika. 5 entrenamentu astean. (*)
Olinpikoa: 1.500 m igerian – 40 km bizikletan – 10 km korrika. 5 entrenamentu astean. (*)

Zozketa, kedada eta bestelakoetan parte hartzeko “18 Astetan Triatleta” erronka izena emanda egotea beharrezkoa izango da.

Ekainak 17ra entrenamendu taulak burututa heltzen direnak prest egongo dira aukeraturiko triatloia burutzeko. Baina noski, parte hartu ala ez hautazkoa izango da eta zuetako bakoitzak erabaki beharko du. 18 Astetan Triatleta erronkan parte hartzen duzuenak ez zaudete behartuta triatloi batean parte hartzera.

(*) Sprint distantzia eta distantzia Olinpikoko triatloi proba batean parte hartzeko ezinbestekoa da triatloian federatzea. Euskadiko Triatloi Federazioko lizentzia ateratzeko, sendagilearen egiaztagiria, Nortasun Agiria, argazki bat eta kuota ordaindu izanaren agiria aurkeztu behar dira. Kuota 62-99 euro bitartekoa da kirolari independiente gisa federatuz gero, triatloi elkarte baten bitartez eginez gero %20 gutxiago. Sendagile ziurtagirian ezinbestekoa da ondorengo esaldia agertzea “konpetizioko triatloia burutzeko gai” – ”apta para la práctica de triatlón de competición”. Guzti hau Euskadiko Triatloi Federazioaren triatloi.org webgunearen bidez burutu behar da.

ARIKETA OSAGARRIAK ENTRENAMENDUEN PLANGINTZA (PDF)