info@triatloiamaitedut.eus

628 643 069 | Tel: 943 833 641

Triatloian hasteko
lehen urratsak!

Zure lehen triatloia egin nahi duzu baina ez dakizu nondik hasi?
Ekin diezaiogun bideari!

1

Materiala prestatu

Tritrajea edo bainujantzia

Tritrajea baduzu, hau erabiltzea gomendatzen dizugu. Izan ere, proba guztian zehar erabili dezakezu, bestelako arroparik gabe. Ez duzula? Ez da ezer gertatzen. Bainujantzi bat sartu motxilan.

Txanoa

Ez ahaztu igeri beti txanoarekin egin behar duzula.

Betaurrekoak

Non zabiltzan ikusi nahi baduzu behintzat, hartu betaurrekoak. Gomendioa: igeri egiten zauden bitartean betaurrekoak ez mugitzeko, txapelaren azpitik jantzi.

Neoprenoa

Proba herrikoietan ez da beharrezkoa. Proba federatuetan neoprenoaren erabilera distantzia eta uraren tenperaturaren araberakoa izango da, derrigorrezkoa, onartua edo debekatua bihurtuz.

Bizikleta

Errepideko bizikleta edo mendiko bizikleta, baina beti ere egoera onean egon behar du. Beraz, frenoak, gurpilak etab aurrez ongi aztertu. Sprint distantziako probetan edo luzeagoetan, errepidekoa izatea derrigorrezkoa da.

Kaskoa

Denetan garrantzitsuena. Hau gabe ezin da parte hartu. Kontuan izan zure babeserako dela, eta zure neurrikoa izatea garrantzitsua da.

Oinetakoa

Korrikako oinetakoak erabili ditzakezu. Nahi baduzu, eta kalekin abila bazara, hau ere posible da.

Galtzerdia

Hautazkoa. Oinetakoak mina ematen badizute, jantzi. Bestela, uretatik ateratzean zuzenean oinetakoak jantzi ditzakezu.

Arropa

Tritrajea baduzu, ez duzu aparteko arroparik behar. Ez baduzu, niki bat eraman.

Portadortsala edo goma

Dortsala proban bertan emango dizute. Hau eusteko portadortsala baduzu, primeran. Bestela, goma bat erosi eta kateorratzekin moldatuko zara.

Oinetakoa

Bizikletan korrikako oinetakoak erabili badituzu, hauekin primeran. Kalak erabili badituzu, korrikako oinetakoak ere hartu beharko dituzu.

Arropa

Tritrajearekin edo bizikletan erabili duzun nikiarekin moldatuko zara (galtzak ez dira beharrezkoak, azpitik bainujantzia izango baituzu).

2

12 astez gure entrenamendu-taulak jarraitu

Aukeratu zein distantziako triatloia prestatu nahi duzun, eta gure entrenamendu taulak jarraituz, 12 astetan triatloi proba bat osatzeko gai izango zara.

Super Sprint

350 m igeri / 10 km bizikleta / 2, 5 km korrika

Sprint

750 m igeri / 20 km bizikleta / 5 km korrika

Olinpikoa

1.500 m igeri / 40 km bizikleta / 10 km korrika

Bidea elkarrekin egingo dugu eta euskaraz. Triatloia Maite Dut-eko kideok, aurtengo enbaxadoreak eta erronkako partaideak batera ekingo diogu erronkari: Zatoz! 12 Astetan Triatleta erronkara!

3

Triatloi aholkuak jaso adituen eskutik

Triatloia Hizpide

Triatloi probaren prestaketa

Nutrizioa

Igeriketa aholkuak

Bizikleta aholkuak

Dortsala nola erabili behar dut?

Nola atera dezaket lizentzia?

Bizikleta

Nola egiten dira trantsizioak?

Bide hau egin baduzu, astero 3 edo 5 egunez kirola eginez egon zara azken 3 hilabeteetan, eta ziur zure buruarekin hobeto sentitzen zarela eta ohitura osasungarri batzuk zureganatu dituzula. Gainera, triatloiari beldur pixka bat galduko zenion ziur, izan ere, aurrerantzean triatletatzat har dezakezu zure burua eta izena eman dezakezu zure gertuko triatloi elkarteren batean.

Ongi etorri Triatloia Maite Dugunon artera!

Gure egunerokoa jarraitu INSTAGRAM eta TIK TOK kanaletan: @triatloiamaitedut

Gure newsletterra jaso nahi duzu?

Triatloia Maite Dut egitasmoko ekintzen berri zure emailean jasoko duzu.